إتحبني

إتحبني ما قلتها لك من فضول
سؤال وتحته ألف خط وانتبه
علم جوابك في حضوري وش يقول
ويوقف لكل حرف معاي ويحسبه
أنا كذا ما أقبل أنصاف الحلول
لا احتجت منك إحساس مو شرط أطلبه
ولّا محبة تبقى في عمري وتطول
أو بل شوقك يا حبيبي وأشربه
إن كان به شيٍ وفي بالك يجول
أو كان خف الشوق وماني منتبه
لا تحسب إني وافر وسهل الوصول
ولا أتدور أشباهي أنا مالي شبه
أنا العزيز النادر وراعي الأصول
وأنا المحب اللي الهوى ما يغلبه
وأنا الجريء الواثق وأنا الخجول
وأنا العنيد اللي بمزاجه تكسبه
إني أحبك هذا فصلٍ من الفصول
لا تختبرني صبري مش للتجربة
إلا كياني لو تبي العشرة تطول
لا تمسني في كبريائي وتقربه