عناد الحروف

وش يقول اللي تعانده الحروف
لي بغى يوصف جمالك ما قوى
دام وصفك يا المها فوق الوصف
اعذري غصن القصيد اللي ذوى
القمر و الشمس بعيونك تطوف
يابعد حيي جمعتيهم سوى
الجمال اللي عيوني له تشوف
كيف ابوصف ها الجمال وما حوى
ما الوم الشعر لو صابه عزوف
دام نور الياس بعيوني ضوى
كل ما اكتب لك قصيده يا الهنوف
رمش عينك قال لي ماللك لوى
زلزلتني نظرة الرمش العطوف
يوم سلهم قلت ويش فيني نوى
خايف من رمشك اللي ما يروف
لا جرحني وين ابلقى لي دوى
الى لمحت الى لمحت الشمس كني لك اشوف
ما اكتوى منها النظر ومنك اكتوى
ضعت بين الخوف وعناد الحروف
كل ما اكتب حرف من خوفي هوى