اه من عبرة بالصدر

آه من عبرة بالصدر عيت تروح . . . يالله انك بها عالم وباسبابها


تكت النفس مره والنواظر تفوح . . . كل من شاف عيني قال وش صابها


دمع عيني غدا لي كل صبح صبوح . . . عذبتني عيوني والسهر دابها


والله اني صبور وبالسراير ما ابوح . . . مير اشوف المحبه ضاقت ابوابها


ول ياالحب ما اقوى سلطتك ياطموح . . . ذلت الناس لامرك وارخت ارقابها


صاحبي يا سعد جاير ولا له نصوح . . . قطعة الوصل عقب العرف وش جابها؟


ياسعد كان وصله مارجع وين اروح . . . حب خلي لنفسي خدر اعصابها


عقب هاك المحبه صار خلي شحوح . . . واحياة الندامه كيف ابرضى بها


ذكرتني وزين الروح ورقا تنوح طال . . . ليل الحمامه هي وهندابها


صوتها تل قلبي واحدثت به جروح . . . من يلوم الحمامه تبكي احباها