لو كان بايدي

ياريت لو كان بايديا اغير الدنيا حوليا
واغير الناس اللي فيها واغير ايامها ولياليها
مسبش حاجه زي ما هي في الدنيا ديه اه يا عنيا


لو كان بايديا امر العالم كنت افرشه احلام واغاني
مسبش فيه مظلوم ولا ظالم ولا حد يجرح فرح التاني
وازرع شجر في جناينه بيطرح زهور كتير وطيور بيتفتح
واقولو يتكلم بشفايفه ويشوفني زي القلب ما شايفه
مسبش حاجه زي ما هي في الدنيا ديه اه يا عنيا


لو كان بايديا قطر الكون كنت اطفي نار حروبه الوالعه
واسمي كل عواصفه هموم واخلي واجهة شمسه الطالعه
وافضل اقول لو كان وياريتني واسهر انا للدنيا فاتتني
اتاري الايام بتغيرنا من غير ما تستنى اوامرنا
مسبش حاجه زي ما هي لا انا ولا انتي اه يا عنيا
تاريخ:
1994