مهجة خواتك

يا أخت قلب وروح ومهجة خواتك
في فرحتك يا ربي يسعد حياتك
وش يوصفك في قلوبنا يا بعدها
وأجمل من الدنيا ابتسامة شفاتك
وإنتي عبير الغالية ومن يساويك
شمس الصباح إنتي وغيومه أراضيك
وإنتي قمر نجد وعيونك سماها
وإحنا النجوم اللي تلامع حواليك
يا عيون نوف اللي بها تشوف نورك
ويا روح سارة اللي ترد بحضورك
ويا نبض قلب البندري ويا غلاها
وفرحة مضاوي اللي مناها سرورك
من يشبهك إنتي أبد ما لك أشباه
أعذب من الشعر وخياله ومعناه
وإنتي الجمال إن شاف زينك تكلم
سبحان ربه ما أرقه ومحلاه
عبير يا أخت المطر والسحابة
يا قبلة النور ويا وجه الرحابة
في الدنيا أكثر شي نحبه وجودك
وإن غاب قلبك عز علينا غيابه
يسعدك من أبدع وصوفك وسواك
ويديم لك وجه السعد يضوي دنياك
يا أغلى أخت وقلب في الدنيا كلها
آمين وما يحرمنا شوفة محياك