عن عيونك

وعن عيونك كلموني...
قالوا جنّة في الصحارى...
ليها بشتاق كل عاشق...
وفيها برتاحو الحيارى...
في اغترابي وفي مآبي...
في صدى الأحلام بشوفك...
من شذى الياسمين حروفك...
وزي عيون النيل بتكبر...
فوق ظلال أشواقنا تكتر ...
لما تاخدنا الغناوي...
ليكا بتجيبنا الحكاوي...
ديمة نسرح في الغناوي...
تلقى رسمك...
ديمة يسحر والله فينا...
في القليب يبهجنا أكتر...
لما تجمعنا القوافي...
ألقى زي عينيك مافي...
ألقى ضل الغيمة انت...
وألقى سكة سعدي انت...
وألقى أجمل كلمة إنت...
لما يوم يا غالي غبت...
رحت تايه في المرافي...
وعايز أقول ليهن عوافي...
وفجأة طليت في الأماسي...
وفيك لقيت ريدي وخلاصي...
وكل ناسي...