الحزن في صوتك

الحزن في صوتك ازعج ساكني
لين صار الكون من حولي حزين
غصب عني حزن صوتك هاجني
لين خلى عاصي المعنى يلين
وامتثل حرف القصيد وعادني
وانسكب حزنك على شعري حنين
شلت انا حزنك وحزنك شالني
تكتم الصرخه وينساب الانين
شفت حزنك كيف حزنك شافني
كيف داهم خلوتي في لحظتين
طير انا مثلك زماني ضامني
جرحتني مثلك سيوف السنين
صابك اللي من زمان صابني
في معاليق الحشا جرحه دفين
كلما ودعت هم زارني من
عذاب الوجد بياح الكنين
الفرح عقب الصداقه عافني
وخافت البسمه على وجهي تبين
طيري ياللي صوت حزنك هاضني
الله اللي ينتصر للصابرين