المها و الريم

المها و الريم
المها والريم في حفظ ومصونـه . . . ماعليهن من مديريـن الدوايـر
حطهن سلطان في داخل عيونـه . . . ولفهن بسياج عطفه في السراير
في عيونـه مايشوفـن المهونـه . . . يشربن الريح في رووس الزباير
ياعنود الصيـد ماانـتِ مغبونـه . . . في كنف سلطان ماذيّـرك ذايـر
تبشرين بلمسة العطف الحنونـه . . . كلهـا ياريـم فالـك والسفـايـر
العهد سلطـان لايمكـن يخونـه . . . من رجالٍ مايعرفـون البوايـر
الأمـان اليـا عطـوه يوثقونـه . . . بالوفـاء ويسجلونـه بالضمايـر
ارجهني فـي بـلادك يافتونـه . . . وارعي الريضان من حاير لحاير
مدهلك يوم القنـص ماياصلونـه . . . يفركون كبودهم وجد وحسايـر
أبوخالد من ورا حـدك ودونـه . . . واقفٍ للـي يديـرون الدوايـر