الشبعان

ياللي غاويين أذي وغل الكون ماليكم
اطلعوا من حياتي طيبتي خسارة فيكم
شوفت منكم قسى وضيعت عمري عليكم
وفي الاخر إتنسي خيري و متمرتش فيكم
انا خدت فيكوا العزا خلاص و قريت عليكم
الفاتحة وم الساعة دي قطعت علاقتي بيكم
قلوبكوا اللي مليتها القسوه وعميتها
خدت منها ايه انا غير جراحي وبس
ودموعي اللي بكيتها علي سنين وافيتها
صعب جدا قلبكوا الخاين دا بيها يحس
انا هشطب من حياتي اسمكم وامحيه
وهمسح من ذكرياتي ايامكوا السوده دي
من طيبتي ومن غبائي صدقت إن فيه
ناس تستاهل وفائي ودي كانت غلطتي
خلاص بطلت اعامل الناس بمعاملتي
ومن النهاردة طيبتي دي هوفرها على نفسي
وإنسوا اني في يوم آمن لحد في دنيتي
بعد اللي شفته من البشر إتسدت خلاص نفسي
لو ناسين مين انا وغروركو خلاص عاميكم
انا اللي جمايلي ياما و الشبعان اللي فيكم
ده انا من خيري اتملى جيبكو وبانت عليكم
النعمه ولو نسيتوا أفكركوا بماضيكم
ضيعت سنين وانا بعلي واغلي فيكم
وازرع خير أجني شر أخرة إخلاصي ليكم
شبعت خلاص خيانه من ناس مهيش شبعانة
كلوا من خيري ياما ومطمرش فيها بجد
قربنا منكم أذانا ونزل من مستوانا
من الأخر وبأمانه مش هبكي تاني علي حد