انا فيا اللي مكفيني

الخط الدهبي الدايب دوبان
في جدايل شعر جلالتك بيخايل عيوني
اما العصفورين الملونين اللي نايمين على خدك
والورد البلدي اللي اتعرف
باللون الوردي على شفايفك
انا نفسي اتشرف ويكلموني
وانا مش هتكلم ع العين
ده انا دوبت من الغمازتين
وان قربت من الرمشين جايز يدبحوني
وانا فيا اللي مكفيني غرقان في الحب ياعيني
ويارب استر نجيني دي الموجة عالية وغراقة
قتلتني بكل براءة وسابتني بكل جرأة
دي رقيقة بريئة لكن خطافة عينيها وسراقة
فيها ايه يعني لو قولتها وانا عارف
اصل انا متاكد انتي تبقي ليا وانا ليكي
مفيهاش حاجة مستغربة ليه
الله انا بس بأكد عليا وعليكي
وانا حد بيعشق مابنامشي
في تراب الارض اللي بتمشي
كده فوقه يا عمري انا دوبت فيكي
وانا من كتر الشوق ماهو زاد لففتيني وراكي بلاد
عارفة ان يوم خدت ميعاد هتأخر عليكي