اوفى حبيب

ليه أرتاح ....بعد ماراح ليه أيامى تكون افراح
ليه ما امسكش النار بايدي ليه مايكنش لقلبى جراح


الليالي من غرامه توهتني
والظنون في حبه يا ما حيرتني
وامّا فكّرت ولقيت روحي ظلمته
الندم خلاني أبكي واقول يا ريتني
من ساعتها قلبي بيدور عليه
مش ح يهدأ إلا لما ح يلاقيه
واعمل إيه


كانت كلمة حلوة مني بتراضيه
كنت أبيعه ف لحظة واحدة واشتريه
عمره ما تألم ولا حتى اشتكى
مهما كانت قسوتي بتزيد عليه
وف لحظة واحدة التقتني بهجره
واللي جرى ما بقتش قادر أفسّره
واعمل إيه اعمل إيه .. اعمل إيه


كنت فاكر إنّه خاين في غرامه
وافترقنا والخصام زوّد آلامه
ياما حيّرته وسهّرته الليالي
يا ما كلّمته ولا اسمعتش كلامه
ليه ما ليش مع القلب الطيب نصيب
ليه أعيش ف الدنيا دي زي الغريب
واعمل إيه....


أي جرح ف دنيتي يمكن يطيب
إلا جرحه ما لوش دوا ولا لوش طبيب
كل ده على شان لقيت القلب حبّه
والعيون قالت عليه أوفى حبيب


ليلي يا ليلي يا ليل.....
يا ليلي يا عيني .. يا يا.....ليل
الغريب ازّاي قدرت أهجره
واللي حصل ما بقيتش قادر أتصوّره