اظلمت

اظلمت في عيني الدنيا ولا ادري وين اروح = قل نوم وظلم قوم وكثر لوم ومضيعه
ما اشوف الا الغرابيل اختفى برقن يلوح = لو تهيا للسعاده درب اكيد ابي اتبعه

كل ما داويت جرح بجرح تظهر لي جروح = ادري ان اللي بكاسي سم اسمي واجرعه
ضاع عمري منصف لغيري لعذالي نصوح = سقم حال وضيق بال وسوء فال مجمعه

مثل عصفور ٍ يحسدونه على ريشن وروح = لا نبت ريشه يطير وسقم حاله يمنعه
وش تفيد لعيني الدمعه وقلبي لو ينوح = اشهد اني مع همومي ضعت وسط المعمعه

لا هناة ولا غناة ولا مشاطرني مزوح = ما به الا نزف مجروح ٍ وروح ملوعه
اشهد ان الموت راحه واشهد ان الصمت بوح = السكوت دواي اظنه في زمان الجعجعه