بوسه قبل النوم

نام أنا بقَلبي بَيْتَك..
بروحي بَدّي غَطّيك..
ولَو بِدَقّة صَحَّيْتَك.. بوَقّفها تَغَفّيك..
عطيني بَوْسِة قبل النَّوْم
وغَمرَة زغيرة تواسيني..
تصَبّرني لتاني يَوْم
تخَدّرني وتهَدّيني..
في مرّة نمت ونسيت
تَعطيني البَوْسِة والغَمرَة
لَيْلِتها قَدَّيْش بكيت.. حَسَّيْتو طَوَّل بكرا..
صرت احسُد المخَدِّة.. ومن خَدّا يغار خَدّي
قوم واغمرني بشدّة.. بَوِّس راسي وجبيني
دَخيلا هَيدي الكِلمة.. لمّا تقلّلي صباح الخَيْر..
بحروفا بحسّ بنَغمة.. أروَع من زَقزَقة الطَّيْر..
بحسّ الدّنيي حوالَيّي.. متل الخاتِم بإيدَيّي
حبيبي اغمُرني بحنّية.. من الغمرَة لا توَعّيني..
بشتَقلَك كل رَفّة عَيْن.. وكل ما دَقّ قلبي بحبَّك..
دقّ القلب وقول يا عَيْن.. تَيِبقى قلبي بقَلبَك..
أنا لو عندي مِيِّة قَلب.. وَزَّعت علَيْهن هالحبّ..
تَيِكفوني والله صَعب.. قلوب الكَوْن ما بتكفيني