هيجنت لعيونها نجد والسامر عرض
والرياض اليا اذكروها نشيل العارضيه
ونتنقى من الكلام النادر المفترض
من حدود الأرض لاخر حدود الجاذبيه
ويتساءل وصفها هل يؤدي بالغرض
من خيوط الشمس لبست خواتمها الثريا
ألطف من الورد نفسه ويمكن لا أغض
هي لطيفه بكل شي مثل حبات برديه
عذرها لا شافها الشيح قفى وامتعض
من حلاها كل عشب تدوسها قال هيه
كل ليل لا احضرت نور براق ومض
مهرة لا اوصفوها ولا بنت العبيه
هذي بنت اللي محد قدرها واعترض
دربها اللي لا اوصفوا طلته سمح المحيه
ما في غيره هو بدر والباقي انرفض
هو ولد سلطان كفه هي الكف النديه
بنت ذاك اللي على روس الأشهاد وقبض
سيفه اللي ما تثلى الا قالوا حميه
أحمد اللي يحكي المجد عنه وما غمض
جفن تاريخ المعزي من هناك ومن هنيه
هو خذا من صيت سلطان وفي قلبه نبض
دم سلطان اللي ما له شبيه في البريه
والله إن سلطان ما نامت عيونه ونهض
والله إن سلطان ما غاب وهالأفعال حيه
يا لطيفه دام قلبك من إحساسه ركض
نامي في عيون البدر للوفى وإنتي وفيه
ودام عهد الحب بينك وبينه ما انتقض
في ذرى بشته تهني ليالي سرمديه