قاضي البلاج

قاضي البلاج
المجموعة : باسم الهوا والشمس و البلاجات..
باسم الشباب و الحب و الأجازات
باسم الراكت و اسم المراجيح باسم الشقاوة و التفاريح
فتحت الجلسة .. محكمة
عادل بن كمال طالب تصييف تقدم يا فتى
حليم : قاضى البلاج يا قاضى مشتاقم الصيف الماضى
وجيت على الحبايب لقيت مكانى فاضى .. مستنى ايه يا قاضى
القاضى : طالب تصيف يا فتى
حليم : و اتمنى أصيف صيف شتا
القاضى : ارفع دراعك و احلف يمينك وقول دفاعك
حليم: وحياة مذاكرة طول العام اللى جابت لى صداع و زكام
مانجحت ولا شفتك يا نجاح إلا عشانك يا أجازة
.. وأنا و جبايبي و الأفراح
تاخد من الدنيا أجازة و الأمر لك يا قاضى و الحكم لك يا قاضى
القاضى : النيابة
النيابة : يمنع سنتين من النصييف لا بلاج و لا عوم و لا تجديف
ويقوم فى قطر العصر يرجع حالاً على مصر
حليم : جنايتى ايه و ذنبى ايه..
المجموعة : جنايته ايه و ذنبه ايه
النيابة : لبس مايوه قبل ما نسمح له بلبس مايوه
المجموعة : يوه يا لطيف
النيابة : لا جاب معاه تورته و لا حتى جاتوه
المجموعة : يوه يا حفيظ
القاضى : المحلفون ... مصيف .. غير مصيف .. مصيف .. غير مصيف
حليم : بقى يعنى اسيب ماما و بابا و اهرب من البيت ابو بوابة
ما أعرفش اتمتع بأجازة و النبى يا تلامذه احنا غلابة
المجموعة : و النبى يا تلامذه احنا غلابة
الحاجب : محكمة
القاضى و المجموعة : من فحص قانون البلاجات فرع التصييف و الأجازات
و مراجعة كل البيانات قررنا ما هو آت
المجموعة : يمنح لقب مصيف من الدرجة الأولى تكييف
هيه هيه ادلق الجردل ادلق ادلق ادلق .. قم فأنت مصيف عظيم
وقد خلعنا عليك الكسوة الصيفية .. ووليناك أمر الرعية البلاجية
خلغ القاضى لبس القاضى .. يحيا القاضى يعيش القاضى يعيش
الحاجب : محكمة ... ظروف عائلية أمور عاطفية مشاكل منزلية
عقد نفسية .. نصلح .. حل عقدك و صيف
المجموعة : قاضى البلاج يا قاضى يا بو حكم سيفه ماضى
طول البلاج و عرضه هنفرشلك قواضى واحكم بقى يا قاضى
قاضى يا قاضى .. لا أنا قبلك .. و أنا مستعجل ..
الحاجب : واحد واحد يا زباين
فتاة : أنا خدت الإعدادية بعديها التوجيهية و صبحت جامعية
و فاضلى على التخرج مش اكتر من سنة تدينى كام سنة
حليم : و اش عرفنى انا
الفتاة : امال قاضى ازاى
حليم : افتى كل الفتوات و أعرف فى اللغاريتمات و النسبية و الذرة
إلا عمر الستات
الفتاة : ايه رأيك عمرى سبع سنوات
حليم : سبع سنوات
الفتاة : ماما و بابا فاكرين عمرى عمرى ما هكبر و ابقى تمن سنوات
بيعاملونى زى ما كنت زمان فى الروضة بيفيونكات
المجموعة : تربيت تربيت تتات ..على الحلوة ام فيونكات
الفتاة : كل حياتى عيب ماترديش ما تعنديش
امتى احس امال بوجودى
امتى اعيش .. عايزة اعيش .. ماما و بابا دقة قديمة
المجموعة : دقة قديمة دقة قديمة ماما و بابا دقة قديمة
الحاجب : محكمة
حليم : من فحص قانون البلاجات فرع العائلات
و الخلافات و مراجعة كل البيانات
قررنا ما هو آت .. يحول أمرها لولى أمرها
يعدل عمرها من سبعة إلى خمس سنوات
فتى : قاضى البلاج يا قاضى .. عاشق و جيبى فاضى
حليم : بتحبها .. الفتى : حب عبادة .. حليم : وهى
الفتى : زيي و زيادة .. و جالها واحد يخطبها .. أبوها وافق كالعادة
المجموعة : من مسرح العرايس روح و اسرقلك حصان
و اخطفها و اجرى بيها و لافرسان زمان
حليم : سارق خطاف .. لفوه فى لحاف .. ودوه الخانكة بالتلغراف
فتاة : أما انا طول عمرى ما حتجوز و لا أقول يا جواز
من صغرى باشوف ماما و بابا كبريت و الجاز
فتى : و أنا برضة باحب العزوبية علشان حرية فى حرية
مش احلص من البيت و الجامعة و مراتى تتحكم فيا
المجموعة : رجالة بدون جواز شبابيك من غير إزاز
الحاجب : هس .. هس
فتى : أما انا مشكلتى جد الجد..
فتى آخر : و أنا عندى مشاكل مالها عد
حليم : شطبنا ... الحاجب : شطبنا
المجموعة : وبقيت مشاكلنا يا قاضى
حليم : تتاجل للصيف الماضى .. الحاجب : محكمة
و بعد ما استتب الأمر بين المصيفين و المصيفات
وحلينا عقد المعقدين و المعقدات ننشد النشيد
المجموعة : عاش الشباب .. كل الشباب
حليم : دقوا الشماسى ..
دقوا الشماسى على البلاج دقوا الشماسى
دقوا دقوا دقوا الشماسى
يا أحلى شمس و أحلى رمل و أحلى ميه
احنا و شبابنا و حبنا اسكندرية
جايين على نسمة امل نرتاح شوية
و الحر زى الشوق نهاره زليه قاسى
دقوا الشماسى
فى البحر الأبيض و فى هداوة لونه الأزرق
تعبنا يهرب مننا و همومنا تغرق
ونسابق الموج و الهوى و الشوق ونسبق
والبحر عارف حبنا والشط راسى
دقوا الشماسى