كلما

كلما مريت بالي كلما
قلت حظي فيك حظي من السماء
صدفة وحده وعن مليون صدفه
جيت غيمه وانا ذابحني الظما
حيثما لديت عينك بالنظر
غير تلقاني بدربك حيثما
جيتك وقلبي على يديني يبيك
بين صحوات من العشق وغما
مايشوف الا انت وعيونه عليك
وانت راميني محد غيرك رمى
ما احد غيرك ولا غيرك احد
وعن مشاهد غيرك القلب اعتمى
طحت لك مثل النجوم اللي هوت
ومثل رشراش السحايب لا هما
عفت كل الناس لعيونك وجيت
والتعب بعيونك السود ارتمى
حبي انت وكل حبي والحياه
ولك ولاء قلبي وكل الانتماء
في وجودك يا حياتي لي حياه
وجعل عين ماتحبك للعمى
كلنا الاثنين في درب العمر
انت كل الارض وانا لك سما