كزدرنا

مشينا وعا نص الدرب قالتلي قشاع
ليك الليل هاجم على مشوارنا
صرخت وندهت الليل قلتلو رجاع
تأخر دخيلك تا يطول نهارنا
كزدرنا وطال المشوار تأخرنا بكزدورتنا
رحنا بعلمي كان نهار لقينا الليل برجعتنا
غلطنا طيب شو لي صار ، تاخرنا شوي غلطنا
صرنا بضيعتنا اخبار بتم العالم قصتنا
تاخرنا وشو عملنا ذنب تعوقنا بالكزدورة
وعصفور يترغل عالدرب ، يغازل هاك العصفورة
ما بعلمي بكتاب الحب ذنوب العاشق مغفورة
وكل ما تلاقوا بنت وشب بيحكو ليش بضيعتنا
لا تخافي وقلبك ينهم ولا تخلي عيونك يبكو
حكيو علينا ما بهّم بكرا من القهر بيبكو
من بكرا بيي والام بخليهن فيكي يحكو
بعمل عرس بخلي الزلم ترقص خيل بفرحتنا