لولو

حكوا بك همس وكنتي محور الدنيا وحديث الناس
ومن ضيك سقوا ليل ضما ما عانقه احساس
في ليل يسدل ستاره
كان الليل محاره
توهج القمر لولو وجودك اجمل بشاره
عرفتي شكان يقولوا اذا مريتي في الاحلام
والا في سوالفهم اكيد اللي احضرت لولو
يا لولو جمعتي اثنين في دمك حفيدة مشعل وسلطان
يا لولو والفخر ينزل على وسادة يديك و كفك التحنان
يا طيبة قلب ما تنقاس
يا لولو خجل الالماس
جيوش قلوبنا حراس
وانتي الامر الناهي
على طريق النور نورك كانه
غشى الرياض وعود الصبح صبحين
لولوك ومرجانك ولا فيه منه
اللولو اللي ما انوجد في المزايين
كنك مصب الشمس عنقود جنه
او زينك اللي قسم البحر قسمين
اللولو اللي بالبحر ما تمنى
غيرك انه لضحك ثمانك ملبين
قلبك تبسم المشاعر وكنه
طهر السحايب او تسبح مصلين
وانتي ضحوك الفرحة اللي تغنى
وانتي اللي في حسنك قلبتي الموازين
لولو وقدك للحرير يتثنى
خليتي اللي ما عرف يعرفك زين
لعيونك النجم البعيد يتمنى
انك على يمة مداره تلدين
خلى البياض يعانق الصبح لانه
دونك يضيع الوقت والناس ممسين
انتي الوكاد اللي يقولوا عنه
اللولو اللي ما انخلق منه اثنين