ماقدر النعمة

غيبتك ما كانت حذر
تكذب وتحلف لي نذر
لا لا تعذر بالظروف
تخلي الغيبه عذر
يا ناس يا عكس الظنون
كل البشر يتشابهون
يا عكس ظني بالشغوف
قسى على قلبٍ حنون
سيطر على قلبي وقظى
ناره على صدري لظى
ليته على حالي يروف
لو التمس كلمة رضى
ما قدر النعمة ولا
يحمل وسط قلبه غلا
وانا على حس الحروف
اكتب معاناة الوله
يا كبر جرحه وما بقى
إلا عبارات الشقى
مركونه في كل الرفوف
وما انتظر منه لقى
قد كانت حروفي ذهب
وحروفك بقلبي لهب
وين المحبة يالعطوف
خليتني فدربك مهب
وين الوفا وين العهد
عيشتني بشوق وسهد
وانا كل ما امد الكفوف
ارجع وحسراتي تهد
وش فايدة حبك وانا؟
قلبي من جروحك جنا
والحال من عقبك يشوف
كل الاسية والعنا