وجدي

وجدي على صاحبٍ ما يعرف الزله
اخطيت في حقه وأقفى وخلاني
وأنا على حالتي والحال معتله
الين يرجع وأشوفه بعيني من ثاني
أخطيت شكيت وشكي مو على حله
وقلت راح ونسى ودي وجافاني
مالي بمعذور يوم قلت له لله
ماني بمعذور طعت العاذل الجاني
أنا أشهد إنه قليبي يا عرب تله
ردوه ردوه لا تشمت بي عدواني
له الغلا بيت ما غيره أحد حله
الحق له والخطا مردود لو جاني
تفداه روحي وأنا أفدى دقه وجله
ما سمع أنا فيه لا قاصي ولا داني
قولو له إني مناتي بدنيتي وصله
واسمه يعطر حياتي وكل وجداني
درب الهوى ضاع وينه صرت ما أدله
مدام قلبه غدى بيتي وعنواني
منهو له اشتاق يا ملا من له
منهو اللي بالعين يكتبني ويقراني
وشلون يقسى خليل ويقطع بخله
وشلون وشلون مدرى اشلون ينساني
الله يرده لقلبي بخطوةٍ عجله
وتقر عيني بعد دمعي وأحزاني