شبيه النسمة

يا شبيه الغيم مدري يا شبيه النسمة
ما يخالط ليلة القمراء ..شتات رياحه
السلام ورحمة الله منك عين و بسمة
من يصك القلب وانتي يالنوى مفتاحه
فيك ليلٍ يستهيم البدر لحظة وسمه
كنك بـ طلة جبينك في السهر مصباحه
لو نجومه فالسماء واجد تغيب بـ قسمة
من يسمّي نوره البيّن شعاع اصباحه
ما قدرت اغمض عيوني وأشوفك رسمه
والملامح في عيون اهل النظر .. ذباحه
يوم في عينك قرارن مستحيل احسمه
رحت ب شعورٍ توقعته و شفت افراحه
شاعرٍ ما بان منه الا المشاعر و اسمه
قبل لا يلقى ب صفحات الكلام ارباحه
ليت عذر البرد في كفّه مهو في جسمه
كان هو مرتاح في عذره وهي مرتاحة