سمو المجد

يا سمو المجد .. يا محمد كفو
مالها غيرك .. على طول الزمان
وأنت نجمك من علو .. الى علو
لين تأخذ .. في السماء أعلى مكان
لك سفاين عز .. في شطك رسو
ولك شموس .. في سماء مجدك تبان
يا محمد .. ما أحد زيك .. ولو
زان وجه الوقت .. والإ الوقت شان
طيب الجدين .. من أم وأبو
دايم عالي .. ومالك في الطمان
هيبتك .. هيبة ملوك .. الى حكوا
وكل قاسي .. لانظر هيبتك لان
بالدهاء .. مايوقف بوجهك عدو
وبالكرم .. تعطي الجزيلات السمان
كثر ماراحو .. لك العالم وجو
مايعبر عن مكارمك .. اللسان
في بحر خيراتك .. ادلو بالدلو
لين صرت لخايف الدنيا .. أمان
والسماء .. لو غايمه والإ صحو
المراهن .. معك مايخسر رهان
ياوزير دفاعنا عن كل سوء
في يديك الدار مضمونه ضمان
من طناخة راسك ومثلك كفو
أنت فارس حرب .. وجيوشك حصان
قودنا يا محمد بن سلمان لوْ
راحت الارواح .. في حرب وطعان
أنت تامرنا .. ولو نحبي حبو
لك جنودٍ شانها في الضد شان
تردع العايل .. وياتيه الغزو
قبل يتلو قايد الحرب .. البيان
وتحت راياتك تسامينا سمو
في ظلال العز في وضح العيان
ياوريث اجدادك اللي قد مضو
سيرة امجادٍ لها تاريخ .. كان
عدت سيرتهم ع هذا .. النحو
كنك .. تعيد المواقف والزمان
نادر .. ولا خابوا اللي بك هقو
في يمينك سيف .. والآخرى العنان
وكل عدوانك .. من السطوة كبو
طايحينٍ .. بين خواف .. وجبان
أن رضوا .. والإ. عساهم مارضوا
أنت نجمٍ .. في ظلام الليل .. بان
وعهد أبوك الخير .. والقادم حلو
له من الشعب الوفي .. كل أمتنان
أزدهار .. اف كل الأشياء ونمو
والربيع أقبل .. وعهد الخير حان