سرها ياهاجسي

يا سلام الله يا ابو فيصل الحر القطام
انت وافي وابن وافي ولك شبح بعيد
والقبيلة يا السنافي لها سيف حسام
يا شديد الباس وابوك أبو باس شديد
لا طرى لي اسم ابو سيف ما فيها ملام
ذاك ما جابت بطون النساء مثله وليد
سرها يا هاجسي فوق للعلياء شمام
في مقام أهل الوفاء لا تميل ولا تحيد
يا سلام الله يا ابو فيصل الحر القطام
انت وافي وابن وافي ولك شبح بعيد
يا صناديد العرب يا مقابيس الظلام
محتمين البل أهل جاه وحامين الضريد
واحتزم ربعك حزامك وحيه من حزام
وانته مجمل وطيبك مع ربعك رصيد
والقبيلة يا السنافي لها سيف حسام
يا شديد الباس وابوك أبو باس شديد
من طناخة راسك ينرقى على سحب غمام
من عطاء كفيك كم من شقي اصبح سعيد
الشجاعه ورث من ساسكم يا ابن الكرام
جعل عمرك يا ابيض الوجه ما يقصر يزيد
والجمالة شي متوارثٍ لين الغلام
ما ورثها لا ردي ورثوها للحفيد
يا حفيد معجزين البلاغة والكلام
المدايح ما توفي هل المجد التليد
من جهل بأفعال ما يبون جعلها للعدام
ما سمع بالعلم وش قال عنا بن رشيد
علموه الجاهل ان كان في خشمه عرام
ما يجيب نحورنا واحد ملعون سيد
اشهد ان الضرب لا خص بالميت حرام
واشهد انه ما يفل الحديد الا الحديد
عودنا شغموم وأصغر صغير ما يظام
لا ضربنا بالمحدب يجي راس العقيد
والكفو لا شاش فعل العبادل ما يلام
والعبادل ما ذكر بينهم شخص بليد
ندحم العادي ليا صار بالأمر ازدحام
حنا لا منا نهضنا مغازينا بعيد
ربعي المطران ما يعرفون الانهزام
عزوتي أهل المشوّك عما عين الضديد
صفنا واحد ولا صار في الصف انقسام
من نوى للتفرقة غير شيطان مريد
عزوتي حمر النواظر متيهة الجهام
والي فعلا نفتخر به وأهل راي سديد
خيّل الحرشا وحنا بعيدين المرام
بالمجالس اتقى والماهي ساعي بريد
لا طرى لي اسم ابو سيف ما فيها ملام
ذاك ما جابت بطون النساء مثله وليد
وانت راع الاولى وبالنهاية والختام
جعل عمرك يا ابيض الوجه ما يقصر يزيد