يا مدور الهين

يامدور الهين ترى الكايد احلى
اسال مغني كايدات الطروق
الزين غالي لكن الازين اغلى
ولكل شراى بضاعه وسوق
النو عالي والسما فوقه اعلى
لى فاق علم جاه علم يفوق
الصعب هلى قلت ياصعب سهلا
دامك تبيني فانت ياصعب شوقي
احب اعسف المهرة اللي تغلى
واحب اروض كل طرف يموق
واحب اسافر مع سحاب تعلى
واحب فوق الغيم لمع البروق
واحب اساهر بدري اللي تجلى
وارسم شعاع الشمس عند الشروق
يامن على ثاير فوادي تولى
خلك على قلب الكرامه شفوق
اكرم عزيز بالعمر ما استذلا
يسوق عمره للمشاريف سوق
اخترتك من الناس للقلب خلا
ياحيثك مرادى وكيفي وذوقي
مارحت ادور كل زول تحلى
لولاك تسوى ماعطيتك خفوقي