زيدني في هجراني

زيدني في هجراني في هواك ياجميل العذاب سراني
علي عفافك دوم سيبني في نيراني
لامتين تطراني انظرك في النوم جوز نواعسك راني
طرفي قصدو يراك وما قصدت تراني
ومابسيب حبك والله لو ضراني
يانعيم ازماني وياحياة روحي ويابهجة امدرماني
في الحياة غيرك مافي زول هماني
وفي بعادك ازايا وفي وصالك اماني
بلبل الاغصان غني بي ذكراك وبالنويح اوصاني
الجمال خصاك والعذاب خصاني
والدلال اوصاك علي دوام تعصاني
زهرة البستان تحكي بسمة فاك وطرفك الفتاني
حين نسيم الليل بي روايحك اتاني
زاد علي الشوق ودمعي سال هتاني
مال فريعك باني فيه بدر وظلمة وفيه ردفا باني
من لحاظك صارم بالهلاك انباني
بين نعس عيناك الكحلهن رباني
يادرر الحاني ويااذاي ودواي ياراحي ياريحاني
انت نايم وانا الم البعاد صحاني
حن علي غرامك والله كاد يمحاني
في جمالك ثاني يافريد الحسن الماتوجدلك ثاني
لو جميع الشعرا فيك يرووا مثاني
لم يحصرو ثناك الفاق لكل حساني
المنام جافاني من جفاك ياحبيبي وصبري الصبح فاني
لو اشوف شخصك في المنام يلفاني
كان طلع سعدي والزمن صافاني