أبغاني

أنا ما جيت لك باغيك أنا بس جيت أبغاني
أبي نفسي أنا مشتاق أحس إن ضحكتي ضحكه
غريب أطوار من بعدك بدونك واحداً ثاني
وحتى اسمك إذا يطري يبان في حالتي ربكه
أبي أنساك ما أقدر يا بختك كيف تنساني
وكيف إنك تنام الليل بدون الغيرة والشكة
أجرب ناس من بعدك تزيد الناس أحزاني
وحتى الباب لو يفتح لغيرك طيفك يصكه
ألا يا زايدً عنهم أبيك تكون بأحضاني
بنفس الوقت أنا ما أبيك وأنا اللي ناوي التركة
أبيك تكون لي بس لي لو إني جيت أبغاني
عشان اللي بعد فرقاك نسى إن ضحكته ضحكه