السالفة

قم علم الصبح ويش البارحه قلنا
خله يقول لعواذلنا تصافينا
حتى يعرفون يوم إنه تزاعلنا
نبغي نزود قهرهم لا تراضينا
حنا شربنا الغلا حتى تمايلنا
من نشوة الحب تدفعنا خطاوينا
نكسب تعاطف هل الحب بتعاملنا
وهروج حسادنا ما أثرت فينا
يا ما وياما حكوا لكن تجاهلنا
تلامس إحساسنا يسبق خطاوينا
من بدهم في الوفا حنا تأهلنا
كسرت يدين التجافي من تسامينا
يا بحر كان إنت في موجك تساهلنا
في الحب نبحر ونمسي في موانينا
روض المحبين محمي في مداهلنا
وزهور الأشواق تنبت في مراعينا
حنا الشرف والنقا ونشرف آهلنا
عن الرذيلة على النايف تعلينا
يا ضامي الحب أروتنا مناهلنا
إذا طوانا هجير البعد تسقينا
والسالفة كلها .. يوم تزاعلنا
كله على شان يقهرهم تراضينا