حلم طيف

أغفى وأشوفك حلم وأعانق الطيف
وأصحى وألاقي ذكرياتك تعاني
ما بين بعدك نار ومواصلك سيف
وخيول شوقٍ ما يردها العناني
من جيتني وإنته على الذوق والكيف
نسل الحرار مورثين المعاني
راقي ودومك فوق روس المشاريف
رغم القساوة فيك شي سباني
أرقب وصالك يا عسى قلبك رهيف
وتردك الأشواق تبغي مكاني
بالحب شاطر والجفا صرت حريف
وأنا على ما قيل طيبي كواني
يا سامع العذال والقول تزييف
أذكر ليالي الحب وأذكر حناني
أذكر وصالي كيف وفراقيه كيف
عسى مع الذكرى تحن لزماني
الحب نعمه والهوى شيٍ منيف
والله رحمني فيك والله عطاني
تعال يالغالي جميل التواصيف
البعد عنك للمهالك حداني
لو دون وصلك حرب ومعانق السيف
ما هزني من كان قاصي وداني
ما هوب كل من جا يقند لي الكيف
تعال رجع لي حبيبي كياني