قدر شعور

قدر شعور اللي يحبك من الناس
وخلك كريم وخل للنفس قيمه
واحشم مقام اللي يحطك على الراس
تراه ما يستاهل إلا الحشيمه
صف الشعور وخل في قلبك إحساس
وإيمان وإحسان وطموح وعزيمه
الناس ما ترزق على قوة الباس
ما ترزق إلا للنوايا السليمه
إن شفتهم واجد ومن حولك أجناس
ترى السلامه من بعضهم غنيمه
أعز من بعض الرجا قطعة الياس
الله ولا ذل النفوس الكريمه
من قايس أموره على غير مقياس
ترى مصيره للفشل والهزيمه
ومن صر قلبه مثل ما صر الأكياس
حقه إذا ما نستره ما نظيمه
الهقوه أكبر في بعيدين الأرماس
اللي على روس المعالي مقيمه
والعز وقفه والمواقف على ساس
والراي من راي الرجال الحكيمه
السيف من غمده قبل دق الأجراس
سله بقوه يا قوي العزيمه
واضرب على الكايد لا صرت محتاس
اتبع علوم الطيبين القديمه