كل ما صفت غيمت

كل ما صفت غيمت يا غيث قبل
هذي سحب ما نباهـا شي تطول
من أجل باشوف خلي حيث ما سار
لمّا متى في الغداري ما نشوف النهار
متى متى با سمع صوت المحوّل
يقول كل من ملا حوضه يحوّل
خايف من السيل يجرف أرض وديار
لمّا متى في الغداري ما نشوف النهار
البعد والصد والهجران يقتل
لِمّا متى البعد يا شهر اللقاء هل
قرب المحبين جنة والجفاء نار
لمّا متى في الغداري ما نشوف النهار
با شل صوتي وبا غني وموّل
في حين ما يلتقون الخل با لخل
وبفرش الدار كله ورد وازهار
لمّا متى في الغداري ما نشوف النهار
ما دام ربي معي ماني معوّل
يحط مهما يحط الوقت ويشل
كله سواء إن عدل عندي وإن جار
لمّا متى في الغداري ما نشوف النهار