لا أكثر

لا تنزعج من كثر محكي عن أحلامي
ويكون ودك تحققها ولا تقدر
والله يا جعلني ما مشي على أقدامي
افكر بصوت عالي بس لا أكثر
إنت الكريم العطوف الوافي السامي
وإنت الذي صدق ما عمره معي قصر
وإنت الدواء دايما لا اشتدت الامي
ما فيه داعي عن التقصير تتعذر
يكفيني إني إلا ناظرت قدامي
القاك وألقى جمال الروح والمظهر
ثم التفت للهموم بماضي أيامي
وأرجع واناظرك واكبر هم بي يصغر
وش عاد أبي يا مبدد كل اوهامي
ان الفرح في حياتي شي لا يذكر
ما فيه داعي تحقق كل أحلامي
حقق لي القرب منك قد ما تقدر