لاني

لاني بجايع ولا ضميان
وألبس من الخام وأطشه
ومن فضل ربي كذا قنعان
ولا تفارق حجاجي البشه
ولا أحتاج غيره عظيم الشان
اللي يغيث أرضه برشه
وإن سكروا عني البيبان
لي رازق الطير في عشه
أهم حاجة أعيش إنسان
ما أبوق في شخص وأغشه
ولأني من أحدن أبد زعلان
وإن ضقت دورة لي طشه
لو إن جيبي ماهو مليان
ما أذخر لباكر ولا قشه
وراع الهوى دايما تعبان
طير ومحابيله أطشه
ويلي تبي تعلي البنيان
لا تخلي القاعدة هشه
واضرب طريق السنع يا فلان
ودرب الوعر بالك تخشه
وفي ذا الزمن جامل العربان
ولو ما عجبك طبعهم مشه